Шығыста аяз ақырып тұр. Соның кесірінен бүгін облыстың бірнеше аудан-қалаларында сабақ тоқтады.
Өскеменде (-28 градус) 1 ауысымдағы 1-4 сынып оқушылары, Семейде (-29 градус) 1 ауысымдағы 1-11 сынып оқушылары мен колледждердің 1-2 курс студенттері, Риддер (-32 градус) мен Курчатов (– 31 градус) қалаларында да дәл осылай оқушылар мен колледж студенттері сабақтан қалуға мәжбүр болды. Алтай және Шемонаиха аудандарында да (-28 градус) 1 ауысымдағы 1-4, Аягөз ауданында (– 28 градус) 1 ауысымдағы 1-9, Бородулиха ауданында ( – 33 градус) 1 ауысымдағы 1-11 сынып оқушылары мен колледждердің 1-2 студенттері, Абай ауданында (– 29 градус) 1 ауысымдағы 1-4 сынып оқушылары, Бесқарағай (– 33 градус) мен Жарма (– 30 градус) аудандарында 1 ауысымдағы 1-11 сынып оқушылары мен колледждердің 1-2 курс студенттеріне жоспарсыз демалуға тура келді.
Азамат ҚАСЫМ,
«Egemen Qazaqstan»
Шығыс Қазақстан облысы