Жұма, 5 қазан 2012 7:15
Барша қазақстандықты ортақ идеяға тоғыстырып, бір бағытқа ұйыстыруда мемлекеттік тілдің атқарар міндеті, киноның, анимациялық фильмдердің, массмедианың рөлі айрықша деп ойлаймын. Өйткені, бүгінгі жас ұрпақ өмірге қажетті тәрбие нәрімен отбасынан бөлек осындай салалар арқылы сусындары сөзсіз. Осыған байланысты мен өз ұсыныстарымды айтқым келеді.
Жұма, 5 қазан 2012 7:15
Барша қазақстандықты ортақ идеяға тоғыстырып, бір бағытқа ұйыстыруда мемлекеттік тілдің атқарар міндеті, киноның, анимациялық фильмдердің, массмедианың рөлі айрықша деп ойлаймын. Өйткені, бүгінгі жас ұрпақ өмірге қажетті тәрбие нәрімен отбасынан бөлек осындай салалар арқылы сусындары сөзсіз. Осыған байланысты мен өз ұсыныстарымды айтқым келеді.
«Ел боламын десең, бесігіңді түзе» демекші, жұмыстың дені баланың сәби кезіндегі тәрбиесінен басталуы керек. Ол үшін бүлдіршіндерге арналған анимациялық өнімдерге көңіл бөлу ләзім. Бұл орайда төл туындыларды көбейтудің, ал шетелдік фильмдерді дұрыс сұрыптауды жолға қоюдың маңызы зор.
Сол секілді ересектер үшін де киноның арқалар жүгі орасан зор болмақ. Елдің киносына қарап ол мемлекетте қандай халық тұратынын білуге болатыны – ежелден анық факт. Осы саламен елдің болашағы қандай болатынын да байыптайтын жұрт бар. Сол үшін бірде-бір жаңа лента мемлекет назарынан, қадағалаудан тыс қалмауы керек. Мемлекеттік тілдегі, қазақстандық идеяны қолдайтын отандық киноларды көптеп шығару керек деп ойлаймын.
Шоу-бизнес пен массмедианың да қоғамға берері өте көп. Бұл салалар бойынша шешімін тауып жатқан істер баршылық. Көк туы желбіреген егеменді еліміздің еңсесі күннен-күнге көтеріліп келеді. Жас мемлекетіміз әлі де талай асу мен белестерді ала беруі үшін Қазақстан азаматы ретінде бар күш-жігерімді жұмсайтын боламын.
Александр Козлов.
Батыс Қазақстан облысы.