Астанадағы Нұрсұлтан Назарбаев халықаралық әуежайында өрт қауіпсіздігіне қатысты жоспарлы оқу-жаттығу өтеді. Бұл туралы ҚазАқпарат хабарлады.
«28 ақпанда сағат 14:30-да елорда әуежайында өрт қауіпсіздігіне қатысты жоспарлы оқу-жаттығу өтеді. Оған әуежайдың ұшуларды өрттен және апаттан құтқаруды қамтамасыз ету қызметі және Астана қаласының «Өрт сөндіру және апаттық-құтқару жұмыстары қызметі» ММ қатысады», - делінген хабарламада. Әуежай қызметі оқу-жаттығу кезінде жолаушылар мен терминалға келіп кетушілердің шараға түсіністікпен қарап, сабыр сақтауын сұрайды. Шараның мақсаты - жалынды сөндіру кезінде адамдар мен материалдық құндылықтарды қауіпсіз жерге көшіру үшін өрт сөндіру бөлімшелерінің әуежай қызметкерлерімен өзара іс-қимылын қамтамасыз ету.