Қазақстанның Тұңғыш Президенті – Елбасы Кеңсесінің құрылымдық бөлімшелерінің басшылары тағайындалды. Бұл туралы Ақорда хабарлады.
Қазақстан Республикасының Тұңғыш Президенті – Елбасының Шешімімен Айдос Ыдырысұлы Үкібай Елбасының баспасөз хатшысы лауазымына тағайындалды.
Сондай-ақ Арслан Момышұлы Дандыбаев – Елбасы Протоколының басшысы, Нұрлан Мұхтарбекұлы Ыбыраим – Ұйымдастыру жұмыстары бөлімінің меңгерушісі, Нұрлан Жамбылханұлы Қаймолдаев – Құжаттама, қаржы және кадрмен қамтамасыз ету бөлімінің меңгерушісі, Асқар Мәуленұлы Молдағаринов – Елбасы Кеңсесі Басшысы Хатшылығының меңгерушісі, Елдар Серікұлы Томашов – Елбасы Көмекшісі Хатшылығының меңгерушісі болып тағайындалды.