Сенбі, 28 қаңтар 2012 7:41
Қазақстан Республикасының Президенті Н.Ә. Назарбаевтың «Әлеуметтік-экономикалық жаңғырту – Қазақстан дамуының басты бағыты» атты Жолдауында негізгі он бағыт бойынша нақты шаралар кешені ұсынылды. Әлеуметтік-экономикалық жаңғырту мен индустриялық-инновациялық жобалар қолға алынып, шикізатты өндіру мен инфрақұрылымды жетілдіру салаларында көптеген кең көлемді жобалар жүзеге асырылады.Жолдаудың негізгі бағыттарының бірі – сот және құқық қорғау жүйелерінің қызметін жетілдіруге байланысты болды. Елбасы: «Судьялар сот төрелігін заңды әрі өзінің ар-ожданын басшылыққа алып жүзеге асыруы қажет», дей келе, сот қауымдастығын қалыптастыру тәртібін түбегейлі өзгертуді тапсырды.
Сенбі, 28 қаңтар 2012 7:41
Қазақстан Республикасының Президенті Н.Ә. Назарбаевтың «Әлеуметтік-экономикалық жаңғырту – Қазақстан дамуының басты бағыты» атты Жолдауында негізгі он бағыт бойынша нақты шаралар кешені ұсынылды. Әлеуметтік-экономикалық жаңғырту мен индустриялық-инновациялық жобалар қолға алынып, шикізатты өндіру мен инфрақұрылымды жетілдіру салаларында көптеген кең көлемді жобалар жүзеге асырылады.Жолдаудың негізгі бағыттарының бірі – сот және құқық қорғау жүйелерінің қызметін жетілдіруге байланысты болды. Елбасы: «Судьялар сот төрелігін заңды әрі өзінің ар-ожданын басшылыққа алып жүзеге асыруы қажет», дей келе, сот қауымдастығын қалыптастыру тәртібін түбегейлі өзгертуді тапсырды.
Қазіргі күні еліміздің сот жүйесі халықтың сотқа деген сенімін нығайтып, сот төрелігін білікті әрі кәсіби жүзеге асыра алатын тұлғалардың судья ретінде тағайындалуына бағытталған қадамдар жасауда. Судьялыққа, сот саласындағы басшылық лауазымдарға үміткерлерді іріктеу жүйесі жаңартылды, сыбайлас жемқорлық оқиғаларының алдын алу мақсатындағы шаралар кешені тұрақты түрде жүзеге асырылуда, Қазақстан Республикасындағы 2012-2016 жылдарға арналған сот білімі стратегиясы дайындалды. Сонымен қатар, электрондық сот жүйесі енгізіліп, дауларды сотқа дейінгі аралықта шешу институты да нәтижелі қызмет етіп келеді.Ағымдағы жылдың басында еліміздің сот құрылымы мен сот өндірісіне өзгерістер мен толықтыруларды көздеген заң жобалары Парламентпен мақұлданды. Аталған заң жобаларына сай, жергілікті соттар сот жүйесіндегі ерекше орынға ие болып, ал істерді жаңа сот талқылауына қайта жолдау институты жойылады. Қазақстан Республикасының Жоғарғы Соты заңда көрсетілген процессуалдық деңгейде жергілікті соттардың қызметін қадағалап, сот тәжірибесі мәселелері бойынша түсіндірме жұмысын жүргізетін болады.Қазақстан Республикасының Президенті Н.Ә.Назарбаевтың сот жүйесі алдына қойған мақсаттарды сапалы орындау үшін сот қауымдастығының әрбір өкілі өзінің жоғары жауапкершілігін сезіне отыра, тұрақты түрде біліктілігін арттырып, қызметін одан әрі жетілдіретін болады.Бектас БЕКНАЗАРОВ, Қазақстан Республикасы Жоғарғы Сотының Төрағасы.