Сенбі, 14 сәуір 2012 7:45
Мемлекет басшысы 2012 жылы 8 сәуірде «Қазақстан Республикасы құқық қорғау органдарының қызметкерлерін кезектен тыс аттестаттауды өткізу туралы» Жарлыққа қол қойды. Бұл орайда Ішкі істер министрлігінде қандай жұмыстар атқарылып жатқандығы туралы хабарласқан едік. Бізге Ішкі істер министрлігі баспасөз қызметінің жетекшісі Н.Ораз аталған мәселе бойынша ішкі істер органдарында қызу жұмыс қолға алынғанын хабарлады.
Сенбі, 14 сәуір 2012 7:45
Мемлекет басшысы 2012 жылы 8 сәуірде «Қазақстан Республикасы құқық қорғау органдарының қызметкерлерін кезектен тыс аттестаттауды өткізу туралы» Жарлыққа қол қойды. Бұл орайда Ішкі істер министрлігінде қандай жұмыстар атқарылып жатқандығы туралы хабарласқан едік. Бізге Ішкі істер министрлігі баспасөз қызметінің жетекшісі Н.Ораз аталған мәселе бойынша ішкі істер органдарында қызу жұмыс қолға алынғанын хабарлады.
Енді ішкі істер органдарының қызметкерлерін кезектен тыс аттестаттауды өткізу кезінде аттестаттаудан өтушінің қызметтік жұмысына, сыбайлас жемқорлыққа қарсы заңнаманы сақтауына баға берілетін болады.
Жалпы, республика бойынша кезектен тыс аттестаттаудан 70 мыңнан астам полиция қызметкерлері өтеді.
Қазіргі уақытта министрлікте кезектен тыс аттестаттауды өткізуге дайындық іс-шаралары жүргізіліп жатыр. Соның ішінде «Қазақстан Республикасы ішкі істер органдарының қызметкерлерін кезектен тыс аттестаттауды өткізуді ұйымдастыру туралы» Ішкі істер министрі бұйрығының жобасы әзірленді, онда кезектен тыс аттестаттауды өткізу жөніндегі әдістемелік ұсынымдарды, комиссиялардың құрамдарын өткізу кестесін, Қазақстан Республикасының заңнамаларын білуге компьютерлік тестілеу үшін сұрақтар тізбесін, жауынгерлік, қызметтік және дене шынықтыру даярлықтары бойынша нормативтер тізбесін бекіту көзделген.
Бұл ретте ішкі істер органдарының барлық аумақтық бөліністеріне дайындық іс-шараларын өткізу, яғни тестілеу өткізу үшін компьютерлік құралдарды дайындау, жеке кабинеттер (сыныптар) бөлу туралы, сондай-ақ жауынгерлік, қызметтік және дене шынықтыру даярлығы бойынша сынақтар қабылдау үшін жағдайлар жасау туралы тиісті нұсқау жіберілді.
Жалпы, ішкі істер органдарындағы аттестаттау одан өтуге жататын қызметкердің ел заңнамаларын білуіне, дене шынықтыру, жауынгерлік және қызметтік даярлық жөніндегі белгіленген нормативтерді тапсыруына, дәрігерлік қаралудан өте алуына байланысты болмақ. Бұдан кейін тиісті аттестаттау комиссиясының мүшелерімен әңгімелесу мен шешім шығару қалады.
Александр ТАСБОЛАТОВ.