Өнеріміздің өрісін кеңге жайып, еліміздің төңірегі ғана емес, мұхит асып ұлттық музыкамызды көрсетуге тамаша мүмкіндік туды. Әлем жұртшылығы қазақ елін табиғи ресурсы бай мемлекет қана емес, мәдениеті мен тарихы да тағылымды ұлт ретінде танып, өнерімізге таңдай қаға қол соғысты. Мұның барлығы әлем елдері мен Қазақстанның арасындағы мызғымас берік достық қарым-қатынасты орната білген аса қадірменді Елбасымыздың ұлт келешегі үшін жұмсаған қажыр-қайрат, есепсіз төккен маңдайтері – еңбегінің жемісі деп білеміз.
Наурыз айында Нұрсұлтан Әбішұлының Президент лауазымынан өз еркімен бас тартып, өкілеттігін тоқтату жөнінде шешім қабылдауы – мемлекетіміз үшін алда үлкен сын мен жауапкершілікке толы кезеңнің күтіп тұрғанын мәлім еткен болатын. Ол – жаңа Мемлекет басшысын сайлау. Осыған орай Мемлекет басшысы Қасым-Жомарт Тоқаевтың 2019 жылдың 9 сәуірінде Қазақстан халқына үндеуінде Президент сайлауын мезгілінен бұрын өткізу туралы шешімін қолдаймыз.
Еліміздің ертеңіне үлкен жауапкершілікпен қарап, келешегін алыстан болжай білетін кемел азамат Қасым-Жомарт Кемелұлының бұл шешімі Отанымыздағы тұрақтылықты сақтап қалу үшін және бейбітшілік пен бақытты болашақ үшін жасалған тарихи шешім деп ойлаймын.
Нұрғиса ДӘУЕШОВ,
Құрманғазы атындағы Қазақ мемлекеттік академиялық халық аспаптар оркестрінің директоры