Бейсенбі, 15 қараша 2012 7:53
Бүгінде Әбіләзов сендіруге тырысып жүрген өтіріктің барлық пирамидасы кірпіш үстіне кірпіш қойылғандай етіп қаланған Қазақстаннан ұрланған ақша екені ешкімге де құпия емес.
Егер Әбіләзов ұрлаған қаржыны Қазақстан тұрғындарының санына бөлетін болсақ, әрқайсымыздың қалтамыздан, балалар мен зейнеткерлерді қоса алғанда, ол шамамен 1 мың доллар ұрлаған болып шығады.
Бейсенбі, 15 қараша 2012 7:53
Бүгінде Әбіләзов сендіруге тырысып жүрген өтіріктің барлық пирамидасы кірпіш үстіне кірпіш қойылғандай етіп қаланған Қазақстаннан ұрланған ақша екені ешкімге де құпия емес.
Егер Әбіләзов ұрлаған қаржыны Қазақстан тұрғындарының санына бөлетін болсақ, әрқайсымыздың қалтамыздан, балалар мен зейнеткерлерді қоса алғанда, ол шамамен 1 мың доллар ұрлаған болып шығады.
Бұл тәсілді қылмыскер «Алға» деп аталатын өзі қаржыландыратын ұйымға белсенді енгізіп келген. Бұл бизнестің сызбасы қандай да бір моральдан, идеялықтан және оның үстіне қарапайым қазақстандықтар жағдайын жақсартудан мүлдем тысқары жатыр. Әуелі Әбіләзов пен оның қолшоқпарлары әлеуметтік жанжалдың отын жағып, содан кейін Интернет пен өзінің БАҚ-тарын ақпараттық күл-қоқыспен толтырады және… пайда табу мақсатында қирандылар үстінен сайтан құсап сап етіп табыла кетеді. Козловқа, Сапарғалиға және Әминовқа қатысты сот процесі барысында белгілі болғанындай, басты мақсаты біздің әмияндарымызды босату ғана емес, сондай-ақ ақыл-ойымызды да шаю болып табылатын жұмыс сызбасы мен қағидаттары толықтай айғақталып отыр.
Пайданы қайдан іздейді?
Мұндай қызметті бөтеннің мүлкін төтенше жағдайларда заңсыз иеленетін тонаушылармен ғана салыстыруға болады.
21 ғасырда бұл қылмыстық құбылыс қағидатсыз саудагерлер пайда табатын «қара бизнестің» бөлшегіне айналғандай. Ал жұртшылық Жаңаөзен қаласындағы қасіретті оқиғалардың басты ұйымдастырушысы және күнәһары алаяқ Әбіләзов екенін әуелден-ақ айтып келеді.
Оның үстіне Әбіләзов жаһанға жанжалдың отын жағуға өзінің қатыстылығын барлық жағынан және үлкен қанағат сезімімен жария етуден айылын жияр емес. Жаңаөзен ол үшін өзіндік бір визитті карточка, алғашқы ірі халықаралық қылмыс болып отыр.
Оның үстіне Әбіләзов адамдарды өзінің сыбайластары арқылы құқық қорғау органдарымен ашық жанжалға баруға қалай үгіттегенін, ереуілшілердің реніштерін қолма-қол ақша арқылы қалай «қыздырғанын», ақпаратты қалай бұрмалағанын және алданған мұнайшыларды өзінің өтірік уәделерімен қалай тойдырғанын айтудан еш қысылып-қымтырылмайды.
Куәгерлердің айтуларынша, Әбіләзовтің сыбайластары Жаңаөзенге келіп, ашық түрде келіссөздерге бармауға, мәмілеге келмеуге, жағдайды ушықтыруға, ашық жанжалға баруға үндеген.
Оның үстіне мұнайшылар сенім білдіргенді жөн көрген жергілікті белсенділер Әбіләзовке бар болмысымен сатылып кеткен. Және олар талап еткен сома да езуге күлкі үйіреді – 15 мың теңгеден 5 мың доллар көлемінде. Бүгінде арандатушылардың құны бар болғаны осындай-ақ.
Өткенге деген өкпемен
Халықаралық қылмыскер Әбіләзов өзін Қазақстандағы тұрақтылық пен өркендеудің белсенді жақтаушысы ретінде көрсеткісі келеді. Бірақ осы адамның өзі туып-өскен, жұмыс пен айтарлықтай көлемде ақша алған еліне осындай көзсіз жеккөрушілігінің себебі неде екенін ойланатындар бар ма екен?
Біріншіден, әрине, мемлекеттің оған әрі қарай да БТА Банк салымшыларының ақшасын ұрлауға жол бермегені үшін үлкен өкпесі бар. Сол кезде, өз мансабының таң сәрісінде-ақ ол балықты лай судан, жанжалдар мен түрлі алаяқтық әрекеттер арқылы аулаған жеңіл екенін айқын түсінген.
Екіншіден, Қазақстандағы ахуалды тұрақсыздандыру Әбіләзовке жаңа табыстар мен ұрланған ақшасының сақталуына деген кепілдік тұрғысынан тиімді. Өзінің шулы қуыршақтарына мың доллар сала отырып, ол қылмыстық жоспарларынан миллиондаған пайда табады.
Және, әрине, үшіншіден, Лондонның Жоғары соты Әбіләзовті тұтқындауға санкцияны әлдеқашан бергенін ұмытпауымыз керек. Фемида іс жүзінде оны бүкіл Еуропа бойынша іздеу үстінде. Ал үлкен халықаралық жанжалдың отын тұтату Әбіләзовке кішкене үзіліс алып, қазақстандықтардан ұрланған 7 миллиард долларын сенімдірек жасыру үшін керек деген сөз.
Жалпысында, Әбіләзовтің өз Отанына деген жеккөрушілігі – ұрлаған мол ақшасын мұқият тығуға тырысушылығын жасырған перде ғана.
Арандатушыларды қолғаптай ауыстырады
Әдетте жиі кездесетініндей, алаяқтардың қақпанына еш кінәсіз адамдар түсіп қалады. Бұған Әбіләзовтің қылмыстық акцияларынан кейін Жаңаөзенде бірнеше сағат бойы ұры-қарылардың, қарақшылар мен зорлықшылардың «салтанат құрғаны» мысал. Олардың іс-әрекеттерінен кім зардап шекті? Екінші қабаттан қарғып кетуге мәжбүр болған екіқабат әйел, өзінің бизнесінен айырылып, енді балаларының үстінен үнемдеуге мәжбүр үш баланың әкесі, мәшинесі өртеліп, енді өзінің аурушаң зайыбын процедураға апара алмай қалған зейнеткер. Бұл қасірет Жаңаөзеннің әр тұрғынын айналып өткен жоқ.
Әбіләзов, тәжірибелі алаяқ ретінде, өзінің қолшоқпарларын қолғаптай ауыстырады. Өйткені, осылай із жасыру оңай. Оған өзінің жарымжан шамшылдығын қанағаттандыру үшін тұрақты түрде жаңа адами материал қажет. Қарапайым жаңаөзендік еңбеккерлерді айтпағанның өзінде Козлов, Сапарғали – осылардың барлығы тек алаяқтың ес-түссіз ойынындағы бөлініс картасы ғана секілді.
Әбіләзов адамдарды өзінің молшылық қазанын қыздыратын тамызық ретінде пайдаланады.
Ал Қазақстандағы кез келген қасіретті оқиғалар мен қатал және ауыр қылмыс жасағандары үшін өзінің сыбайластарын тұтқындауларды Әбіләзов жаңа жанжалдар мен жаңа шытырман оқиғалар үшін ақпараттық желеу ретінде тиімді пайдаланады.
Қазақстандықтардан миллиардтар ұрлаған Әбіләзов шетел асып кетті. Ашық өтірікпен бүркемеленген ол өзі туып, бір кездері қалыпты адам болуға мүмкіндік алған өз елін жамандауға шімірікпестен кірісті. Енді оның өзінің қылмыстық мақсаттарына қандай жолдармен жеткісі келетіні әбден түсінікті. Бұл әрекеті Әбіләзовтің Жаңаөзендегі оқиғаларға тікелей қатыстылығын жасырмақ түгілі, керісінше, айғақтауға ұмтылысынан-ақ анық көрінеді.