Жұма, 6 сәуір 2012 8:28
Жүре берсең, көре бересің деген. Міне, мұны да көрдік.
Бұған дейін шайтан судың шөлмегіне Әл-Фараби бабамыздың, қасиетті Түркістанның, киелі домбыраның суреттері салынғанын естігенбіз. Оған орай Қазақстан мұсылмандары діни басқармасының салмақты наразылық сөздері де айтылып, жамиғаттың көңілін біршама орнына түсіруге септескен еді. Әйтсе де, дәл осы жолғы сорақылық әбден шектен шығып кетті.
Жұма, 6 сәуір 2012 8:28
Жүре берсең, көре бересің деген. Міне, мұны да көрдік.
Бұған дейін шайтан судың шөлмегіне Әл-Фараби бабамыздың, қасиетті Түркістанның, киелі домбыраның суреттері салынғанын естігенбіз. Оған орай Қазақстан мұсылмандары діни басқармасының салмақты наразылық сөздері де айтылып, жамиғаттың көңілін біршама орнына түсіруге септескен еді. Әйтсе де, дәл осы жолғы сорақылық әбден шектен шығып кетті.
Араққа Алла аты араластырылды.
Адамды алжастыратын, ақылдан адастыратын араққа Ақтөбе қаласындағы «Геом» жауапкершілігі шектеулі серіктестігінің «Бәйтерек» (айтқандай, бұл да бүгінде біздің мемлекеттік брендтеріміздің біріне айналған ұғым) шөлмегінің қағазына «Тек Алладан басқа жеңуші жоқ» деген сөз жазылған.
Мұның қандайлық масқара екендігін айтудың өзі артық. Бүкіл дін мұсылман қауымы шариғаттың арақты жасаушыға, тасушыға, сатушыға, арақтан пайда табушыға қалай қарайтынын жақсы біледі. Ақша табу үшін еш нәрседен тайынбайтындар енді, міне, осыған да жол беріп отыр.
«Геом» серіктестігінің бас директоры Андрей Гооге бұл қадамға Ислам дінін қорлауды, бүкіл мұсылман қауымын мазақ етуді әдейі ойластырып барды, қасақана істеді деп өзіміз анық білмейтін нәрсені айтып, күнәға батқымыз келмейді. Жаңағы сөздер арабша жазылғандықтан, оның мағынасын ойламаған да шығар. Бірақ, жарнама үшін, көзге тосын көрінетін араб әріптерінің арақта тұрғаны таңданыс, қызығушылық туғызатынын біліп, осындай жазуды әдейі пайдалануы әбден мүмкін. Қалай болғанда да бұл – ауыр айып, үлкен күнә.
Болар іс болды деп отыратын жер бұл емес. Біз осы Ақтөбедегі мұсылман қауымының, сонау Алматыдан хабарласып, ашу-ызасын білдіріп жатқан Қазақстан мұсылмандары діни басқармасының алдағы кезде мұндай масқараға жол бермеудің қамын қарастыру ғана емес, қасиеттімізге кір жұқтырмақ болған осы өнімнің барлық сауда нүктелеріндегі сатылымнан алынып тасталуын, осындай оспадарлық орын алған мекеменің басшылығы мұсылман қауымынан кешірім сұрауын талап ету жөн деп білеміз.
Сатыбалды СӘУІРБАЙ,
Ақтөбе облысы.