Сенбі, 14 шілде 2012 6:48
Лондон Олимпиадасына қатысу үшінлицензиялау турнирі аяқталды. Лондондаөтетін ХХХ Жазғы Олимпия ойындарынаҚазақстан атынан 25 спорт түрінен 115спортшы барады. Біздің спортшылардыңарасынан соңғы вагонға іліккендей еңсоңғы жолдаманы 100 метрге шалқалайжүзгіш Екатерина Руденко жеңіп алды.Сөйтіп, Қазақстан спортшыларыныңОлимпиадаға жолдамасының саны 105-кежетті.
Сенбі, 14 шілде 2012 6:48
Лондон Олимпиадасына қатысу үшінлицензиялау турнирі аяқталды. Лондондаөтетін ХХХ Жазғы Олимпия ойындарынаҚазақстан атынан 25 спорт түрінен 115спортшы барады. Біздің спортшылардыңарасынан соңғы вагонға іліккендей еңсоңғы жолдаманы 100 метрге шалқалайжүзгіш Екатерина Руденко жеңіп алды.Сөйтіп, Қазақстан спортшыларыныңОлимпиадаға жолдамасының саны 105-кежетті.
Биылғы Олимпиялық ойындарға қазақстандық спортшылар алғаш рет семсерлесу, су добы мен бірінші рет Олимпиада бағдарламасына қосылған әйелдер боксынан жолдама ұтып алды. Олимпия ойындарында барлығы 302 медаль жиынтығы сарапқа салынады.
27 шілде мен 12 тамыз аралығында ХХХ Жазғы Олимпиаданы өткізетін Лондон қаласы – Ойындарды өткізу мүмкіндігіне үшінші рет ие болып отырған алғашқы қала. Бұған дейін Ұлыбритания астанасы дүбірлі доданы 1908 және 1948 жылдары өткізген болатын.
Төрт жылда бір келетін басты сайыс бағдарламасына биыл өзгеріс енгізілді. 2009 жылдың 13 тамызында Халықаралық Олимпиада комитетінің атқарушы комитеті алғаш рет әйелдерге боксқа қатысуға рұқсат берді. Үш салмақ дәрежесінде (51, 60, 75 кг) 12 спортшы күш сынасатын болады. Ал оның есесіне ерлер командасынан бір салмақ дәрежесі алынып тасталды.
Енді әйелдер Жазғы Ойындардың барлық түріне қатыса алады. Ерлер арасындағы байдарка және каноэмен есу 500 метрге дейінгі екі адамдық байдаркамен есу, әйелдер арасындағы бір адамдық 200 метрге дейін байдаркамен есуге ауыстырылды.
1924 жылдан бері бірінші рет теннистен аралас жұпқа рұқсат етілді. Желкенді спортта Торнадо класы алынып, Инглинг Элиотқа ауыстырылды.
Велоспортта да біршама өзгерістер бар. Ерлер мен әйелдерге омниум енгізілді, командалық жарысу, командалық спринт және әйелдер кейрингі, тұлғалық қудалау жарысы қосылды, бірақ тұлғалық жарыс, ұпайға жарысу және мэдисон жарысы алынып тасталды.
Одан басқа, гандболдан 5-8-орындарға турнир өткізілмейтін болып шешілді.
Қазіргі бессайыста да өзгеріс бар: жүгіру мен ату бір жарыс аясына тоғысты.
Лондонда өтетін Олимпия ойындарының чемпиондары менжүлдегерлеріне төленетін бір жолғы төлемақы көлемі
1-орын – баламалы мөлшерде 250 000 АҚШ доллары;
2-орын – баламалы мөлшерде 150 000 АҚШ доллары;
3-орын – баламалы мөлшерде 75 000 АҚШ доллары;
4-орын – баламалы мөлшерде 30 000 АҚШ доллары;
5-орын – баламалы мөлшерде 10 000 АҚШ доллары;
6-орын – баламалы мөлшерде 5000 АҚШ доллары
№ Спорт түрі Лондонға қатысу Лицензиялар
үшін жолдама саны
1. Ауыр атлетика 8 8
2. Байдарка мен каноэда есу 4 3
3. Таэквондо 3 3
4. Велошоссе 2 3
5. Байдарка және каноэмен
бөгет арқылы есу 1 1
6. Спорттық гимнастика 2 2
7. Көркем гимнастика 1 1
8. Нысана көздеу 2 2
9. Стендке ату 1 1
10. Су добы 13 1
11. Бокс (ерлер) 9 9
12. Синхронды жүзу 2 1
13. Семсерлесу 3 3
14. Еркін күрес 7 7
15. Грек-рим күресі 5 5
16. Әйелдер күресі 3 3
17. Дзюдо (ерлер) 7 7
Дзюдо (әйелдер) 2 2
18. Қазіргі бессайыс 2 2
19. Академиялық есу 2 2
20. Ашық суда жүзу 1 1
21 Теннис 3 5
22 Жеңіл атлетика 25 25
23 Жүзу 3 4
24 Садақ ату 2 2
25 Бокс (әйелдер) 2 2
Барлығы: 25 спорт түрі 115 спортшы 105 жолдама
Бейжіңдегі Олимпия ойындарына спорттың 23 түрінен 106 жолдама алған 132 спортшы қатысты.
Дастан КЕНЖАЛИН,
«Егемен Қазақстан».