Қазақстан Республикасының Президенті Нұрсұлтан Назарбаев Ресей Федерациясының Президенті Дмитрий Медведевпен телефон арқылы сөйлесті, деп хабарлады Қазақстан Республикасы Президентінің баспасөз қызметі.
Мемлекет басшылары екі мемлекеттің сауда-экономикалық ынтымақтастығына қатысты бірқатар мәселелерді, жақында Мәскеуде болған бейресми кездесу барысында қол жеткізілген уағдаластықтар аясында екіжақты қарым-қатынасты дамытудың перспективаларын талқылады. Атап айтқанда, әңгіме Ұлы Отан соғысындағы Жеңістің 65 жылдығын бірлесіп мерекелеуге дайындық туралы өрбіді.
Қазақстан мен Ресей Президенттері сондай-ақ өңірдегі жағдайлар, екі мемлекеттің ШЫҰ шеңберіндегі өзара іс-қимылы төңірегінде пікір алмасты.