Тарихи тұлғаларға арналды

Мемлекеттік педа­го­ги­калық уни­вер­­­си­тет­тің әз­ір­­­леуімен жарық көр­­ген ал­ғашқы фильм – Бұ­қар жы­рау Қалқаманұлы, Мұса Шорманұлы, Мәшһүр Жүсіп, Естай Беркімбайұлы, Сұлтанмахмұт Торайғыров, Жаяу Мұса, Қаныш Сәтбаев, Майра Шамсутдинова, Әлкей Марғұлан, Шапық Шөкин, Әбікей Сәтбаев, Шәкен Айманов, Кемел Ақышев, Қосым Пішенбаев, Рафиқа Нұртазина секілді 25 дара тұлғаға арналған. 

Университет ректоры Ал­тын­бек Нухұлының айтуын­ша, бүгінгі жастарға елдік, егемендік рух қалдырған ұлы тұлғаларды ұлықтау – ұрпақ парызы. 

Елбасының «Болашаққа бағдар: рухани жаң­ғы­ру», «Ұлы даланың жеті қыры» мақалаларында өткен тарихқа үңілу бүгінгі күнмен мәңгілік үндестік арқылы болашаққа жалғасатыны айтылды. Сондықтан, мектеп оқушылары, мұғалімдер, студенттер, жас ғалымдар, жалпы, өткен та­рихқа тағзым етер қауым үшін-филь­м­нің айтар мәнді ойлары, көрсетер мағы­на­лы беттері бар.

Фильм әр тұлғаға арнал­ған 10 минут ішінде әрқай­сы­сының өмірі мен қызметі, шығармашылығы жайында баяндап береді. Фильмдер топтамасын дайындауға тарихшылар, археологтар, әлеу­мет­танушылар қатысқан.

Жоба продюсері Гүлжанат Иманға­зы­ның айтуынша, оқу орынында тарихи тұлғалар жайлы деректер іздеу, архив материалдарын жинап, фильм жа­сауда шығармашылық топ бір жылдай жұмыс істеп­ті. Арнайы зерттеулер жүр­гі­зі­ліп, мәліметтер жинал­ған. Архивтерден фотосурет­тер, естеліктер алынған. Бұл рухани игі іске «Ғабек» ЖШС-нің директоры Ғаббас Бектұ­ров бас демеуші болып­ты.

Фильм әзірге дискілерге ғана жа­зыл­ған, алдағы уа­қыт­та сайттар мен әлеу­мет­тік желі­лер арқылы көріп, таны­су­ға болады.  Павлодар облысы