Елбасы еуразиялық интеграция туралы идеясын ұсынып қана қоймай, оның жүзеге асырылуына зор еңбек сіңірді және бұдан кейін де Еуразиялық экономикалық одақ жұмысының жандануына тигізер септігі мол. Оған айғақ – осы мәртебелі атақ.
Еуразиялық экономикалық одақ өзі құрылған бес жылда біраз белесті бағындырды. Дегенмен, жөндейтін тұстары да баршылық. Мысалы, ортақ нарық әлі толыққанды жұмыс істеп жатқан жоқ, себебі әрбір мемлекет өз нарығындағы тарифтік емес кедергілерді сақтап отыр. Бұл түйткілдің түйінін тарқатып, осы бағыттағы іс-шараларды ілгерілету үшін ұтымды ұсыныстар, нақты шешімдер керек.
Бұл жерде Елбасы Нұрсұлтан Назарбаевтың жаңа мәртебесі ЕАЭО-ның стратегиялық дамуы үшін жаңа бастамалар көтеруге мүмкіндік береді. Елбасының арқасында Қазақстан өзара мұраттас, мүдделес мемлекеттердің ортақ экономикасының бәсекеге қабілеттілігін арттыруға күш салады.
Жұмабек САРАБЕКОВ,
Әлемдік экономика және саясат институтының сарапшысы