«Үшінші бағыт - сот жүйесіне өзгеріс енгізу. Халық сот жүйесіне сену керек», деді Қ.Тоқаев.
Еске сала кетейік, ұлықтау рәсімін Конституциялық Кеңес Төрағасы Қайрат Мәми бастады. Ол Қасым-Жомарт Тоқаевтың Президент қызметіне Конституцияның 42-бабына сәйкес Қазақстан халқына ант бергеннен кейін кірісетінін хабарлады.
Бұдан соң, Қазақстан Республикасының Заңына сәйкес, Қасым-Жомарт Тоқаев Конституцияға қолын қойып, ант берді. Ант беру салтанатты жағдайда Парламент депутаттарының, Конституциялық Кеңес мүшелерінің, Жоғарғы Сот судьяларының, сондай-ақ басқа да мемлекеттік органдар өкілдерінің қатысуымен өткізілді.
Ант берілгеннен кейін Қазақстан Республикасының Мемлекеттік Гимні орындалды.
Орталық сайлау комиссиясының төрағасы Берік Имашев Президент куәлігін табыстады. Қасым-Жомарт Тоқаев Қазақстан Республикасының Президенті қызметіне кірісті.