Маусым айындағы рейтинг бойынша алғашқы үздік үштік өзгеріссіз қалды. Тізімде алғашқы орынға Бельгия, одан кейін Франция және Бразилия ұлттық құрамалары жайғасты. Қазіргі таңда Бельгияның еншісінде 1746, Францияда – 1718, Бразилияда – 1681 ұпай бар.
Сәуір айында 116-шы орында тұрақтаған Қазақстан ұлттық құрамасы екі сатыға жоғарылап, 114-ші сатыға жайғасты. Ұлттық құрама қоржынында 1174 ұпай бар.
Айта кетейік, Михал Билек шәкірттері маусым айында Еуро-2020 чемпионатының іріктеу кезеңі аясында Бельгия және Сан-Марино құрамаларымен кездесу өткізді. Қазақстандық футболшылар сырт алаңда Бельгия құрамасынан 3:0 есебімен жеңілсе, елордада өткен Сан-Мариноға қарсы матчта 4:0 есебімен басым түсті.
Әсем ТАҢАТАР
ЕҰУ-дың журналистика факультетінің
студенті