Шілде айының 6-7 күндері Алматыда жеңіл атлетикадан XXIX Ғұсман Қосанов мемориалы өтеді. Халықаралық турнир Азия құрлығындағы үздік жарыстар тізімінде.
Қосанов мемориалы жыл сайын Алматының Орталық стадионында өтеді. Ол Халықаралық жеңіл атлетика федерациялары қауымдастығы (IAAF) мен Азия жеңіл атлетика қауымдастығының (AAA) күнтізбесіне енген турнир екенін айта кетейік.
XXIX Қосанов мемориалы Токио Олимпиадасы мен Дохада өтетін әлем чемпионатына ұпай тарататын лицензиялық турнир саналады. Биылғы додаға Еуропаның екі дүркін чемпионы, әлем чемпионатының күміс жүлдегері, ресейлік Дарья Клишина қатысады деп күтілуде. Былтыр мемориалға әлемнің 10 мемлекетінен 260 спортшы қатысқан болатын. Әр жылдары бұл турнирде Олимпиада чемпиондары Виталий Савин, Ольга Шишигина, Ольга Рыпакова, сондай-ақ Олимпия ойындарының жүлдегерлері Григорий Егоров, Дмитрий Карповтар жеңіске жеткен.