Бұл туралы Түркістан облысы ауыл шаруашылығы басқармасының басшысы Нұрбек Бадрақов мәлім етті. Оның видео-мәлімдемесін облыс әкімінің кеңесшісі Сәкен Қалқаманов әлеуметтік желіде жариялады.
Басқарма басшысы видеожазбасы арқылы Арыс қаласындағы төтенше жағдайға байланысты Бөген су қоймасына қатысты тараған қауесетті жоққа шығарады. «Арыс арнасынан секундына 47 текше метр су шаруаларды ағынсумен қамтамасыз етуге босатылып жатыр. Бөген су қоймасына байланысты ешқандай да қауіп жоқ. Осында Түркістан облысы «Nur Otan» партиясы филиалы төрағасының бірінші орынбасары Нұрмахан Жолдасов пен Отырар аудандық Төтенше жағдайлар басқармасының мамандары толығымен Бөген су қоймасын көріп шықты. Бөген су қоймасына қатысты ешқандай да қауіп төніп тұрған жоқ», деді Н. Бадрақов.
Айта кетейік, бүгін Түркістан облысының Арыс қаласындағы әскери бөлімнің қоймасында жарылыс болды.