Бұл туралы Шымкент әкімі Ғабидолла Әбдірахымов Instagram парақшасында жазды.
"Арыс қаласында қайғылы жағдай болды. Оқ-дәрі қоймасында өрт шықты. Біз тұрғындарды эвакуациялау үшін жедел жәрдем кареталарын және автобустарды жібердік. Қалада адамдарды қабылдау үшін жатақханалар дайындап жатырмыз. Барлық атқарушы органдар сақадай-сай дайын отыр. Қажет болған жағдайда еріктілерді шақыратын боламыз. Әзірге олардың керегі жоқ. Барлық тұрғындарды сабыр сақтауға шақырамын және жарылыстардың тоқтауы үшін дұға етейік. Шымкент қаласы үшін ешқандай қауіп жоқ. Біз зардап шеккендерге көмектесеміз", деп жазды қала әкімі.