«Батыс Қазақстан облысының Қазталов ауылында түн ішінде автокөлігінен киіктің 70 дана мүйізі табылған Жәнібек ауданының тұрғыны ұсталды» деп хабарлайды БҚО Полиция департаментінің баспасөз қызметі.
Оқиға 23 маусым күні сағат 00.20-да болған. Полиция қызметкерлері Қазталов ауылында күдікті көрінген «ВАЗ-2121» маркалы автокөлігін тоқтатып, жүксалғышын тексерген кезде, сөмкеге салынған 70 дана киік мүйізі шыққан. Автокөлік жүргізушісі 1992 жылы туған, Жәнібек ауданының тұрғыны екен.
Аталған факті бойынша Қазталов ауданының полиция бөлімі Қазақстан Республикасы Қылмыстық Кодексінің339-бабы бойынша (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) қылмыстық іс көтеріп, сотқа дейінгі тергеу жұмысын бастады.
Батыс Қазақстан