Кімнен жасырынады?

Сәрсенбі, 27 наурыз 2013 1:10

Облыс орталығында облыстық прокуратураға арналған жаңа ғима­­­рат бой көтерді. Лезде айналасына темір қоршау бітті. Бұрынғы ғима­раты қоршаусыз, арызданушыларға есік ашық болатын. Сонда тіпті бұрынғы облыс прокуроры, қазір еліміздің Бас прокурорының орынбасары Нұрмахан Исаев  бір айдың өзінде екі-үш реттен баспа­сөз өкілдерімен кездесіп, журналис­тердің сұрақтарына жауап беретін. Қабылдауына бару керек болса да үнемі есік ашық еді.

Сәрсенбі, 27 наурыз 2013 1:10

Облыс орталығында облыстық прокуратураға арналған жаңа ғима­­­рат бой көтерді. Лезде айналасына темір қоршау бітті. Бұрынғы ғима­раты қоршаусыз, арызданушыларға есік ашық болатын. Сонда тіпті бұрынғы облыс прокуроры, қазір еліміздің Бас прокурорының орынбасары Нұрмахан Исаев  бір айдың өзінде екі-үш реттен баспа­сөз өкілдерімен кездесіп, журналис­тердің сұрақтарына жауап беретін. Қабылдауына бару керек болса да үнемі есік ашық еді. Сол сияқты қазіргі Оңтүстік Қазақ­стан облысының прокуроры, «Еге­меннің» тұрақты оқырманы Ибрагим Иманов біздің облыста прокурордың орынбасары қызметін атқарған кезде де үнемі хабарласып, сұрақтарымызға жауап алатынбыз. Облыста прокурор болған Хәкім Көшқалиев, Мұ­рат Ахметжановтар да ашық­тық, жариялылық қағидатын ұс­танды.

Ал енді қазіргі облыс проку­ро­ры Дастан Сартаев жайлы жур­на­лис­тер оған «көрінбейтін адам» («че­ловек невидимка») деп еріксіз ат қойып алды. Тіпті, жаңа­дан та­ғайындалған орынбасар­лары да «көрінбейтіндер» қата­рын­да сияқты. Ғимараттың шеткі бұ­­ры­шында прокурорларды «кү­зе­тетін» күзет бөлмесі орна­лас­қан. Қарапайым халық осы жерден кері қайтады. Ғимарат сонда прокурорлар үшін ғана салынған ба? Неге халықтан бөлектенеді? Бөлме іші­не облыс прокуроры Дастан Сар­­­таевтың, орынбасарлары Қуат Ар­тықбаев, Берік Құлтасовтың қа­былдау күндері жазылып тұрған  тақтайша ілініпті. Біз кездескен  екі-үш адам қабылдау күндеріне жазылғанымен,  мәселелерінің мән-жайын жеткізе алмай жүр­­­ген­дерін айтты. Сол жерден біз де облыс прокурорының баспасөз хатшысы Айымгүл деген қызға телефон шалып: «Ішке жіберуге болмаса, өзіңіз келіп кетіңізші, қолымыздағы хатты берейік», – деп едік. – «Жо… Жоқ! Маған далаға шығуға болмайды! Сіз тұрған жерге мен бара алмаймын!» – деді сол жердегі  байланыс телефон арқылы.  Аң-таңбыз.

Елбасы  қарапайым халыққа ашық болыңдар, арыз-шағымдарын тыңдаңдар, қабылдаңдар деп үнемі айтады. Облыстағы басқа құқық қорғау орындарының, тіпті әкімдіктердің де есіктері ашық. Еліміз тыныш, жұртымыз аман. Сонда бұл прокурорлар халық арасына шығып, мұң-мұқтажын тыңдап, арызданып келгендердің үніне құлақ түрмесе, не істейді? Кімнен ығады?

Фарида БЫҚАЙ,

«Егемен Қазақстан».

Павлодар.