Бүгінде Алматы облысында 7848 мүмкіндігі шектеулі бала арнайы жәрдемақы алады екен. Оның ішінде 1-топтағы мүгедек санатындағы 1299 баланың тиісті жәрдемақысы шілде айынан бастап көбейеді.
Еңбек, әлеуметтік қорғау және көші-қон комитеті облыстық департаменті басшысының орынбасары Жәнібек Дәлібаевтың айтуынша, қазір аймақтағы 1299 жәрдемақы алушының құжаттары қаралып, бекітілген шешім бойынша төлемдерді төлеу жүзеге аса бастаған.
- Атап айтқанда, мүгедек баланы тәрбиелеушіге және бала кезінен бірінші топтағы мүгедектің күтіміне байланысты берілетін жәрдемақы осы жылдың 1 шілдесінен бастап 31 183 теңгеден 41 578 теңгеге дейін көбейді, - дейді департаменті басшысының орынбасары Жәнібек Дәлібаев.
Алматы облысы