Қазақстанның Ресейдегі елшісі Иманғали Тасмағамбетов Абай өлеңінен үзінді оқу эстафетасын жалғастырды.
«Мен поэзия эстафетасын досым Игорь Крутой мен Маралтай інімнен қабылдап, ұлы Абайдың алтыншы қара сөзіне тоқталсам», - деп бастады ол.
Ел бірлігіне қатысты данышпан Абайдың ой толғамын нақышына келтіре оқыған елші эстафета кезегін өзінің досына жолдайтынын айтады.
«Мен өз кезегімде осы эстфетаны жан досым, мәдениет тарланы Досқан Жолжақсыновқа жолдаймын», - деді Иманғали Тасмағамбетов.
Айта кетейік, бұған дейін ҚР Президенті Қасым-Жомарт Тоқаев 9 жастағы мектеп оқушысының эстафетасын қабыл алып,оны Білім және ғылым министрі Асхат Аймағамбетовке, Мәдениет және спорт министрі Ақтоты Райымқұловаға және бүкіл әлемді мойындатқан талантты әнші Димаш Құдайбергенгежолдаған еді.