Қазақстандық боксшы Назым Қызайбай Нұр-Сұлтан қаласында өтіп жатқан Президент кубогында 51 келіде чемпион атанды. Бұл туралы ҚазАқпарат хабарлады.
Ол финалда тағы бір қазақстандық боксшы Жайна Шекербековдан басым түсті. Екеуі бір-бірімен жақсы таныс. Шеберлік деңгейін жақсы біледі.
Бүгін Назым өзінің дайындығы жоғары екенін танытты. Қыздар арасындағы жекпе-жектерде 57 келі салмақта да жеңімпаз анықталды. Бұл салмақта қазақстандық Айжан Қожабековамен қолғап түйістірген ресейлік Дарья Абрамова жеңіске жетті. Нәтижесінде ол жеңімпаз тұғырына көтерілді.