“Мәңгілік” би ансамблі Болгария, Сербия елдерінде өткен халықаралық фестивальдерге қатысып, 3 бірдей кубокты иеленіп қайтты.
Михаил Лахтин жетекшілік ететін «Мәңгілік» би ансамбілі 23-ші мәрте ұйымдастырылған Витоша халықаралық фольклорлық фестивалінде тамаша өнер көрсетті. 12 мемлекеттің талантты ұл-қыздары бас қосқан дода жерлестеріміз топ жарып, «Үздік хореография» және «София қаласының мэрі» атты кубоктарын жеңіп алды. Іле Сербияда ұйымдастырылған халықаралық фестивалінде «Төрешілер алқасының ең жарқын әсері» атты кубогымен марапатталды.
Құрылғанына небәрі екі жыл ғана болған ансамбль құрамында 22 өнерпаз бар. Репертуардың басым бөлігі қазақтың ұлттық билерінен құралады.
Көк туымызды көкте желбіретіп жүрген жерлестеріміз келесі жылы Польшада өтетін халықаралық би фестиваліне шақырту алып отыр.
Солтүстік Қазақстан облысы