Батыс Қазақстан облысының Бөрлі ауданына әкім болып Сатқанов Миржан Мұнайдарұлы тағайындалды. Айта кетейік, Бөрлі ауданы – облыстағы жалғыз өнеркәсіпті моноқала – Ақсай шаһары, ірі газ-конденсат кен орны – Қарашығанақ орналасқан өңір.
Өнеркәсіпті ауданның жаңа басшысы Миржан Сатқанов 1977 жылы дүниеге келген. Білімі жоғары, Түркия Республикасы Докуз Ейлюл университетін «қаржы» мамандығы бойынша тәмамдаған.
Әр жылдары:
- Орал қаласы әкімдігі қаржы бөлімінің жетекші маманы,
- БҚО кәсіпкерлікті қолдау және дамыту департаментінің бас маманы, бөлім бастығы, бастығының орынбасары;
- БҚО кәсіпкерлік және өнеркәсіп департаменті (басқарма) директорының (бастығының) орынбасары;
- БҚО кәсіпкерлік және индустриалдық-инновациялық даму басқармасы басшысының орынбасары, басқарма басшысы;
- БҚО жолаушылар көлігі және автомобиль жолдары басқарманың басшысы болып қызметтер атқарған.
2018 жылдың наурыз айынан бастап Батыс Қазақстан облысы әкімінің орынбасары болды.