5 қыркүйектегі жағдай бойынша ағымдағы жылдың басынан бастап 2,9 млрд теңге көлемінде қарыздың негізгі сомасын төлеген 114 849 жеке тұлға бойынша 688,3 млн теңге көлемінде өсімпұл есептен шығарылды. Бұл туралы Мемлекеттік кірістер комитетінің баспасөз қызметі хабарлады.
Жалпы, 1,4 миллионға жуық адам рақымшылыққа ілігіп, 13,9 млрд теңге көлемінде қарыздың негізгі сомасын төлеген жағдайда, 6,3 млрд теңге көлемінде өсімпұл есептен шығарылады.
2019 жылғы 13-14 тамызда барлық аумақтық департаменттер өсімпұлдарды есептен шығару бойынша комиссия құру туралы бұйрық шығарды.
Салық қарызын Мемлекеттік кірістер комитетінің www.kgd.gov.kz ресми сайтында «Салық қарызының болуы/болмауы туралы ақпарат» бөлімінде тексеруге болатындығын ескеріңіз. Салық төлеуші тек өзінің ЖСН-н енгізу керек. Осыдан кейін ол өзінің салық қарызы туралы мәліметтерге қол жеткізеді.