Нұр-Сұлтанда күрес түрлерінен өтіп жатқан әлем чемпионатында әйелдер күресінен бәсекелер аяқталды. Бұл туралы Olympic.kz хабарлады.
76 келі салмақта сынға түскен Эльмира Сыздықова қола медаль үшін өткен күресте германиялық Алена Роттер Фоктан ұтылып қалды. Кездесу 0:3 есебімен қарсылас пайдасына аяқталды.
Рио Олимпиадасының қола жүлдегері атанған Эльмира өз еліміздегі әлем чемпионатында бесінші орыннан көрінді.