Робототехника құралдарымен жабдықтау бағытында, биылғы оқу жылына «Теңізшевройл», «Ерсай» компанияларының демеушілігімен және бюджет қаржысы есебінен ауданның 7 мектебіне робототехника құралдары сатып алынды. Бұл туралы өңірлік коммуникациялар қызметі алаңында өткен брифингте аудан әкімі Қ.Беков мәлімдеді.
Сондай-ақ, ауыл тұрғындары мобильді медицинамен қамтамасыз етілді. Egov.kz сайты арқылы және «ДамуМед» мобильдік қосымшасы арқылы емханаға тіркелу, дәрігер қабылдауына жазылу, үйге шақыру қызметтерін тұрғындар үйінде отырып пайдалануға мүмкіндік жасалды. Аудан әкімінің айтуынша, бүгінгі күні 848 адам egov.kz қызметін, 6187 адам «ДамуМед» мобильдік қосымшасы пайдалануда, ересек тұрғындардың үлесі 69 пайызды құрап отыр.