Қызылағаштағы қайғылы оқиға өндірісті өңір жұрты көкірегіне де қатты батты. Тосын апаттан опат болғандардың отбасылары мен зардап шеккендердің қасіреті әркімнің де ет-жүрегін елжіретті. Оларға көмек көрсетуге алдымен үн қосқан шағын және орта бизнес өкілдерінің үлкен тобы табыстарының бір бөлігін қолдау қорына аударуды шешті.
Әріптестерін қайырымдылыққа жұмылдырушылардың бірі “Аспап” ЖШС жетекшісі, облыстық мәслихат депутаты Төлеген Әшімов өз атынан 200 мың теңге арнаумен бірге кәсіпорынның Қызылғашта бірнеше тұрғын үй салуды шешкендігін кеше тілшілер қосынына хабарлады. Сонымен қатар кәсіпкерлердің облыстық қауымдастығының атқарушы директоры Гүлнәр Құрбанбаева мәлім еткендей, іскер топтар бірігіп 5 миллион теңге аударуды ұйғарды. Ал бұл күнде сондай-ақ қиім-кешек, азық-түлік жөнелтілуде.
Жекелеген азаматтар мен қоғамдық ұйымдардың, бизнестік саланың осындай қолдауына қоса облыс өз тарапынан 50 миллион теңге материалдық көмек көрсетпек.
Айқын НЕСІПБАЙ.
ҚАРАҒАНДЫ.