Өткен сейсенбі-сәрсенбі күндері футболдан Чемпиондар лигасының топтық кезеңдегі 4-тур ойындары өз мәресіне жетті. «Ювентус», «Бавария» және ПСЖ командалары өткен турда қарсыластарынан басым түсіп, мерзімінен бұрын плей-офф кезеңіне жолдама алды.
Топтық кезеңдегі төртінші матчта Италияның «Ювентус» командасы сырт алаңда Мәскеудің «Локомотив» клубынан 2:1 есебімен басым түсті. Осы жеңісінен кейін Турин командасы 10 ұпай жинап, топтан бірінші болып келесі кезеңге жолдама алды. Ал Германияның «Бавария» командасы өз алаңында Грекияның «Олимпиакосын» қабылдап, 2:0 есебімен жеңіске жетті. Төрт турда Мюнхен командасы 12 ұпай иеленіп, плей-офф кезеңінің мәселесін мерзімінен бұрын шешіп қойды.
Сондай-ақ Францияның ПСЖ командасы да Чемпиондар лигасының 1/16 кезеңіне жолдама алды. 4-тур аясында Париж командасы өз алаңында Бельгияның «Брюгге» командасымен кездесіп, 1:0 нәтижесімен жеңді. Осылайша төрт ойыннан кейін 12 ұпаймен плей-офф сатысына шықты.