Жеке және заңды тұлғалардың өтініштерін қарау жұмыстары сыбайлас жемқорлыққа қарсы қызметтің басым бағыттарының бірі болып табылады, деді Маңғыстау облысы өңірлік коммуникациялар қызметі алаңында өткен брифингте Сыбайлас жемқорлыққа қарсы іс-қимыл агенттігі Маңғыстау облысы бойынша Департаменті тергеу басқармасының аса маңызды істер жөніндегі офицері Анар Маңқатаева.
Ағымдағы жылдың 9 айы бойынша Департаментке 633 өтініш келіп түссе, өткен жылдың 9 ай қорытындысында 587 өтініш келіп түскен, яғни өткен жылмен салыстырғанда азаматтардың біздің органға сенімінің артқандығы байқалады.
Агенттіктің халықпен тығыз өзара байланыс орнату мақсатында құрылған Call-орталығына (1424) 26 өтініш келіп түсіп, оның 2-уі бойынша қылмыстық іс қозғалған.
Сыбайлас жемқорлық құқық бұзушылық фактілері орын алған жағдайда, барлық азаматтар 1424 нөмірі бойынша Call- орталыққа хабарласа алады және ол жөнінде құпиялық қамтамасыз етіледі, деді ол.