Маңғыстау облысы Түпқараған ауданы әкімдігінің ғимаратында «Маңғыстау – адалдық алаңы» жобалық кеңсесінің Түпқараған аудандық филиалы ашылды. Бұл туралы Сыбайлас жемқорлыққа қарсы іс-қимыл агенттігі Маңғыстау облысы бойынша департаментінің баспасөз қызметі хабарлады.
Филиалдың ашылу салтанатына аудан активтері жиналып, кеңсе лентасын Маңғыстау облысы әкімінің орынбасары, «Маңғыстау – адалдық алаңының» кураторы Қ.Жұмашев және Маңғыстау облысы бойынша Сыбайлас жемқорлыққа қарсы қызмет департаменті басшысының бірінші орынбасары С.Қаныбеков қиды.
Департамент қызметкерлерінің айтуынша, тұрмыстық жемқорлыққа қарсы жобалық кеңсе ендігі жерде түпқарағандықтардың арыз-шағымдары мен ұсыныстарын назарға алып, аудан көлеміндегі жемқорлықтың деңгейін төмендетуге өз үлесін қосатын болады.
Маңғыстау облысы