БАЙЛАНЫСТЫ ДАМЫТУ БАСТЫ МАҚСАТ

Кеше Парламент Мәжілісінің Төрағасы Орал Мұхамеджанов Ресей Федералдық Жиналысы Мемлекеттік Думасы мен Қазақстан Республикасы Парламентінің Мәжілісі арасындағы ынтымақтастық туралы палатааралық парламенттік комиссияның мүшелерімен кездесті. Мәжіліс Төрағасы Қазақстан мен Ресей арасындағы ынтамақ­тастық байланыстың тереңде жатқанын, бүгінгі таңда тәуелсіз ел­дер ретінде жаңа тұрғыда қа­рым-қатынас орнап, өзара түсі­ніс­тік және достық ниетте көп­теген келісімдерге қол қойыл­ға­нын айтып өтті. Әрқашан келісім жасасқанда екі мемлекеттің де мүддесі бірдей қарасты­ры­ла­ты­нын жеткізді.  “Қазақстан мен Ре­сейдің Президенттері мен Үкі­мет басшылары, Парламент па­ла­таларының төрағалары ар­а­сын­да жоғары деңгейде кездесулер өтіп келеді. Оның бәрі екі ел ара­сындағы байланысты арттыруға ықпал ететіні сөзсіз”, – деді Мә­жі­ліс Төрағасы. Спикер Қазақ­стан­ның ЕҚЫҰ-ға төрағалық етуі елдің өмірінде үлкен маңызға ие екенін айтып өтті. Ал қаңтардың 29-ы күні Пар­ламент палата­лары­ның бірлескен оты­рысында Қазақстан Пре­зи­денті Нұрсұлтан Назар­баев жария еткен Жол­дауында ел ал­дына үлкен мін­дет­тер жүктеп отырғанын баяндады. Мемлекеттік Дума мен Мәжіліс арасындағы ынтымақ­тастық туралы палатааралық парламенттік комиссияның тең төрағасы Олег Савченко әріп­тестері атынан Қазақстанға деген игі ниеттестігін жеткізді. “Егемен-ақпарат”.