Қасым-Жомарт Тоқаев Ұлттық қоғамдық сенім кеңесінің 2-отырысында латын әліпбиіне көшу мәселесінде асығыстық танытуға болмайтынын айтты.
«Латын әліпбиіне көшу мәселесінде асығыстық танытуға болмайды. Тыңғылықты, тексерілген жұмыс талап етіледі. Жан-жақты сараптай отырып, жаңа әліпбидің барлық аспектілерін әзірлеу қажет. Латын әліпбиінің ұсынылған үш нұсқасы да жетілдірілмеген болып шықты. Сондықтан бұл проблемада шынайы ғылыми әдіс керек», деді Мемлекет басшысы.