21-25 желтоқсан күндері Алматы маңындағы Солдат шатқалында орналасқан «Алатау» шаңғы-биатлон кешенінде шаңғы жарысынан Қазақстан кубогі өтті. Аталған сынға еліміздің он аймағынан спортшылар қатысты. Бұл туралы Olympic.kz хабарлады.
Соңғы жарыс күнінде еркін әдістен масс-старт жеңімпаздары анықталды. Жеңімпаздар мен жүлдегерлер тізімі төмендегідей:
Әйелдер
Ангелина Шурыга
Елена Коломина
Камила Махмутова
Ерлер
Никита Гридин
Даулет Рахымбаев
Александр Воробьев
Жарысқа жалпы есебі 150-ге жуық спортшы қатысты. Олар классикалық және еркін әдіспен спринт, классикалық әдіспен жекелей сын және масс-старт бәсекесінде бақ сынады. Турнирде ерлер мен әйелдер арасында 8 медаль жиынтығы сарапқа салынды.