Сенаттың Аграрлық мәселелер және қоршаған ортаны қорғау комитетінде “Қазақстан Республикасы мен Ресей Федерациясы арасындағы “Байқоңыр” кешенін тиімді пайдалану жөніндегі ынтымақтастықты дамыту туралы келісімді ратификациялау туралы” заң жобасы талқыланды.
Келісімге 2004 жылғы 9 қаңтарда Астана қаласында қол қойылды.
Келісімнің мақсаты ғарыш айлағын өзара пайдалы ынтымақтастықты дамыту, бірлескен ғарыштық жобаларды іске асыру, оның ішінде экологиялық қауіпсіздік деңгейі жоғары “Бәйтерек” зымыран-ғарыш кешенін құру болып табылады.
Келісім аясында, сонымен қатар, “Байқоңыр” кешенін Ресей Федерациясының жалдау мерзімін 2050 жылға дейін ұзарту көзделген.
Заң жобасы палатаның қарауына жіберілетін болды, деп хабарлады Парламент Сенатының баспасөз қызметі.