Мемлекет басшысы Қасым-Жомарт Тоқаев бүгін «Egemen Qazaqstan» газетінде жарияланған «Абай және XXI ғасырдағы Қазақстан» атты мақаласымен Twitter парақшасында бөлісті.
Еске сала кетейік, «Egemen Qazaqstan» газетінің бүгінгі №5 санында Мемлекет басшысы Қасым-Жомарт Тоқаевтың Абай Құнанбайұлының 175 жылдығына арналған «Абай және XXI ғасырдағы Қазақстан» атты көлемді мақаласы жарық көрді.
Мақалада ел Президенті халқымыздың ұлы перзентінің мерейтойын лайықты атап өту үшін арнайы құрылған комиссия дайындық жұмыстарын бастап кеткенін, мемлекет көлемінде және халықаралық деңгейде ауқымды іс-шаралар ұйымдастыру жоспарда екенін атап өтті.