Лозаннадағы жасөспірімдер Олимпиадасында конькимен жүгіру спортынан 500 метр қашықтықтағы бәсекелер аяқталды. Бұл туралы Olympic.kz хабарлады.
Жарыс қорытындысы бойынша қазақстандық спортшылар жеңімпаздардар қатарынан табылмады. Алина Дауранова 13-ші орын алса, Дарья Гаврилова 25-ші орыннан көрінді.
Аталған спорт түрі бойынша Изабелла Гревельт (Нидерланды) үздік атанды. Джинджи Ван (Қытай) екінші орын алса, Юкино Ешидо (Жапония) үшінші орынға тұрақтады.
Жасөспірім ұлдардан Евгений Кошкин 21-ші орынға, Ақжол Нұралы 26-шы орынға жайғасты. Юдай Ямомота (Жапония) жеңімпаз атанса, Нил Ллоп (Испания) екінші, Живен Ксю (Қытай) үшінші болды.