Кәсіпкерлікті қолдау жалғастырылады

Қор негізінен 4 қаржылық құрал ұсынады. Бұл –  жеңіл­дік­пен несиелендіру; сыйақы мөлшерлемесін субсидиялау; несиеге кепіл болу; онлайн оқыту және клиентті қаржы институттарына дейін жетелеу.

Осы аталған қаржы құрал­да­­рын пайдалана отырып, қор 85 мың жобаға 5,3 трлн теңге бөл­ген.

Басқарма төрайымы Гауһар Бөрібаеваның айтуынша, өткен жылы қор қазақстандықтардың бизнеспен айналысуына жағдай жасауға баса назар аударған. Қа­зір әлемдік экономиканың да­му­ында шағын және орта кәсіп­кер­лік­тің көбейіп, тұрақты жұмыс орын­дарын ашудың маңызы зор. Бұл өз кезегінде халық­тың әл-ау­­қатының көтері­луіне сер­пін бере­ді. Экономи­каны әртарап­тан­ды­ру, табиғи ресурс­тарға тәуел­ді­лікті төмендету үшін шағын жә­не орта кәсіпкерлікті дамыту керек.

2019 жылы ел Үкіметі «қара­пайым заттар экономикасына» басымдық беретін жобаларды қолдау бағдарламасын іске қосты. «Бизнестің жол картасы-2020» бағдарламасы бекітілді. Шағын және орта кәсіпкерлікке қолдау көрсететін бірқатар мемлекеттік бағ­дар­ламалар жетілдірілді. Қор – осы бағ­дарламаларды жүзе­ге асыру­дағы негізгі қаржы опера­тор­ларының бірі.

Аталған ұйым Ұлттық қор есе­бінен өңдеу өнеркәсібі сала­сын­дағы кәсіпорындарды қолдау бағ­дар­ламасын, «Еңбек» бағдар­ламасын, АДБ және ЕҚДБ қаражаты есебінен шағын және орта бизнестегі әйелдерді қолдау бағдарламаларын, әкімдіктермен бірлескен шағын және орта бизнес субъектілерін қолдаудың бас­қа да бағдарламаларын өз қара­жаты немесе сырттан тартылған қаражат есебінен жүзеге асырып келеді. Жалпы алғанда, ЕДБ, МҚҰ арқылы жеңілдікпен қар­жыландыру бағдарламасы бойын­ша 61 мың борышкерге жалпы сомасы 2,2 трлн теңге несие бе­рілген. 2019 жылы 18,7 мың жоба 228 млрд теңгеге қаржылан­дырылған.

2019 жылы барлық бағдарлама бойынша сыйақы мөлшерлемесі субсидияланған жобалар саны 2 641-ге жетіп, несие сомасы 269,8 млрд теңге болып, өсім 80 пайыз­ға арт­ты. Несие сомасы 36%-ға арт­­қан. Жалпы алғанда, өткен жы­­лы суб­сидияланған 15,5 мың жо­ба 2,8 трлн теңгеге қолдау алған.

2019 жылы кепілдік беретін барлық бағдарламалар бойынша қолдау алған жобалар саны 2 673-ге жетті. Бұл – 2018 жылмен салыстырғанда 38%-ға артық. Несие сомасы 102,7 млрд теңгені, ал кепілдік сомасы 40,4 млрд теңгені құрады. Жалпы алғанда, бағдарлама жүзеге асырылған уақыт ішінде кепілдендіру құралы арқылы 8,6 мың жоба 302 млрд теңгеге қолдау алған.

«Даму» қоры 2019 жылы 23,5 мың кәсіпкерге қолдау көрсеткен, ал қор бағдарламалары бойынша қаржыландырылған несие сомасы 600 млрд теңгедан асты. Пор­талда кәсіпкерлердің өз жоба­ла­рының мемлекеттен көмек алуға сәйкес келетінін немесе келмейтінін тексеруге; субсидия немесе кепілдік алуға, жеңіл несие алуға өтінімді online режімде беруге мүмкіндігі бар.

Мемлекеттен қолдау алған кәсіп­керлер Қазақстанның әлеу­мет­тік-экономикалық дамуына зор үлес қосуда. Атап айтқан­да, 2019 жыл ішінде алдын ала мәл­ім­еттер бойынша қор қолдау бер­ген клиенттер 5 550 млрд тең­генің өнімін шығарып, 450 млрд теңгеден астам салық түсірген.