Балалар – қоғамымыздың ең әлсіз, қорғансыз бөлігі. Олардың құқын жоғары деңгейде қорғауды қамтамасыз ету баршамыздың борышымыз. Елбасымыздың «Қазақстан-2050» Жолдауында әрбір сәбидің құқығы қорғалуын талап етілуі жайында айтылған, яғни «... Елбасы ретінде мен әрбір сәбидің құқығы қорғалуын талап ететін боламын. Біздің топырағымызда туған кез келген сәби – қазақстандық. Және оны мемлекет қамқорлығына алуға тиіс. Ана мен балаға қарсы бағытталған қылмыс үшін, сондай-ақ, осы саладағы ең ұсақ деген заң бұзушылықтар үшін жазаны күшейтуді қамтитын шаралар кешенін әзірлеуді тапсырамын», – деп атап көрсетті.
Балалар – қоғамымыздың ең әлсіз, қорғансыз бөлігі. Олардың құқын жоғары деңгейде қорғауды қамтамасыз ету баршамыздың борышымыз. Елбасымыздың «Қазақстан-2050» Жолдауында әрбір сәбидің құқығы қорғалуын талап етілуі жайында айтылған, яғни «... Елбасы ретінде мен әрбір сәбидің құқығы қорғалуын талап ететін боламын. Біздің топырағымызда туған кез келген сәби – қазақстандық. Және оны мемлекет қамқорлығына алуға тиіс. Ана мен балаға қарсы бағытталған қылмыс үшін, сондай-ақ, осы саладағы ең ұсақ деген заң бұзушылықтар үшін жазаны күшейтуді қамтитын шаралар кешенін әзірлеуді тапсырамын», – деп атап көрсетті.Соңғы жылдары жас балаларға қарсы жасалып жатқан арсыз, адами қасиетке жат қылықтар қоғамда белең алып, бұқараның наразылығын туғызуда. «Мал құлағы саңырау» демекші, туған қызына қиянат жасаған әке, жасөспірімдерге көрсетіліп жатқан зорлық-зомбылықтар сияқты жан түршігерлік оқиғалар белең алып бара жатқаны жасырын емес.
Қоғамда қашанда материалдық дағдарыс адамды көп болса, тіленшілікке тап қылады, ал рухани дағдарыс бүтіндей адамдық болмыстан айырады. Ұяласына жамандық қылмайтын қаншама хайуан бар, демек үйді қоритын ит те ұяласын таламайды. Ал хайуан атын жамылып, бүгінде оларға педофил деген айдар тағып, атын естісек жағамызды ұстап, терезеге қарап алаңдайтын болдық. Бесіктен белі енді шыққан баланы айуандықпен зорлау – бұл қорлық, сүйекке түскен таңба. Алаш ұрпағының түсінігінде жоқ «педофил» деген дертке шалдыққан делқұлылардың кесірінен қанша баланың тағдыры тас-талқан болып жатыр.
Ақпарат көздеріне көз салсаң, кәмелет жасқа толмаған, тіпті кішкентай бүлдіршіндердің, одан қалды ұл балаларды зорлап кетті деген оқиғаларды жиі еститін болдық. Әрине, бұл ұғым құлаққа түрпідей тигенмен, айтпасқа лажы жоқ, өйткені 17 млн. халқы бар Қазақстанда педофилия фактілері көп тіркелген. Мәселен, статистиканың ресми мәліметіне сүйенсек, бұл қылмыс түрі 2011 жылы 148 болса, 2012 жылы 232-ге жеткен. Ал 2013 жылдың 5 айында республикада осындай сипаттағы жасалған қылмыстар саны 181-ді құраған. Бұдан жоғарыда аталған қылмыстың бұл түрі жылдан-жылға қарқынды түрде өсіп келе жатқанын аңғарамыз. Демек, ғасыр қасіреті, бұның артында бала әлемінің күйреген тағдыры жатыр.
Жалпы, өткен кезеңге бір сәт көз жүгіртсек, яғни кеңестік кезеңнен кейінгі нарықты заман жағдайындағы елдерде педофилияның өсуінің кейбір себептерін қарастырып көрейік. Әдетте, бұл елдерде жалпы психологиялық ахуалды түзету мен сауықтыру жағдайлары ескерілмейді, өйткені, әрбір қылмыс жеке жағдай ретінде қарастырылады. Соңғы 20 жылда экономикалық, әлеуметтік-мәдени өмір салаларына елеулі өзгерістер енгізілді. Қоғамымыздың болжанатын «нормаланған» болашағының, яғни жасы мен мәртебесіне қарамастан, кепілді әлеуметтік және құқықтық қорғалуының орнына өзін-өзі жұмыспен қамту, еркін жұмысқа орналасу қатынастары, сыбайлас жемқорлықты құрайтын нарықтық қатынастар келді. Қоғамның бөлінуі орын алып, еңбек жетістіктері үшін қадір-құрмет ұғымдары жойылды. Бұл дерт әрдайым заңмен реттеле бермейтін үдеріске айналды. Азаматтардың белгілі бір бөлігі бұған бейімделе алмады, олар үшін «пайда-олжа» ұғымы әркез заңды, сапалы, әділетті деген ұғымдармен сыйыспайтын болды. Әйткенмен, адамдар алғашқы бастау капиталын жинастырып, нарыққа, оның ішінде халықаралық нарыққа кірудің заманауи жағдайларына бейімделіп, орта және жоғары буындағы сауданы ұйымдастыруды үйренді.
Бір сөзбен айтқанда, адамзаттың ойлау қабілеті неғұрлым дамып, ғылыми техника сан түрлі жетістіктерге қол жеткізді. Алайда, қоғам жетілген сайын оның осал тұстары да қалыс қалмайтыны белгілі, соның ішінде хакім Абай айтпақшы: «Ішсем, жесем, ұйықтасам – тән құмары, білсем екен, көрсем екен, үйренсем еке