Грек-рим күресінен Қазақстан командасы Ресей ұлттық құрамасымен бірлескен жаттығу жиынын өткізуде. Оқу-жаттығу жиыны Мәскеу облысында ұйымдастырылған деп жазады Olympic.kz.
Аталған жиында негізінен олимпиадалық салмақта сынға түсетін балуандарға басымдық берілді.
Бірлескен жаттығу жиынына төмендегі балуандар қатысуда:
67 келі: Мейіржан Шермаханбет, Данияр Қаленов, Алмат Кебіспаев;
87 келі: Азамат Күстібаев, Нұрсұлтан Тұрсынов;
97 келі: Әлімхан Сыздықов, Ерұлан Ысқақов;
130 келі: Нұрмахан Тінәлиев, Дамир Күзембаев, Мансұр Шадукаев, Евгений Поливадов.
Бірлескен жаттығу жиыны аяқталған соң балуандар Үндістандағы Азия чемпионатына аттанады.