Бұл туралы кеше Қазақстанға келген АҚШ мемлекеттік хатшысы Майк Помпео әлеуметтік желідегі парақшасында жазды.
«Біздің ортақ бейбітшілікке, гүлденуге және қауіпсіздікке негізделген АҚШ пен Қазақстан арасындағы стратегиялық қарым-қатынастардың маңыздылығын растау үшін Нұр-сұлтанға келуіме қуаныштымын. Мен сауда және инвестициялар мәселелерін, сондай-ақ қос елдің өсіп-өркендеуін кеңейту жолдарын талқылау мүмкіндігін асыға күтемін» деп жазды Майк Помпео.
Сондай-ақ мемлекеттік хатшы АҚШ елшілігінің қызметкерлерімен кездесіп, Елші Мозер мен елшіліктің жұмысына алғысын білдірді.
Осыған дейін хабарлағандай, Майк Помпео Мемлекет басшысы Қасым-Жомарт Тоқаев, Елбасы Нұрсұлтан Назарбаев және Сыртқы істер министрі Мұхтар Тілеубердімен кездеседі.