«Қар барысының» 18 жастағы қақпашысы Вилен Прокофьев өмірден өтті. Бұл туралы Барыс клубының баспасөз қызметі хабарлады.
«3 ақпан күні «Қар барысының» жас қақпашысы Саркома Юинг (сүйек қатерлі ісігі) ауруынан көз жұмды. Ол қатерлі дертпен төрт ай күресті. Вилен 18 жаста еді... Біз Виленнің барлық жақын туыстарына, оны танитын достарына қайғыра көңіл айтамыз» делінген «Барыс» клубының хабарламасында.