Кенияның астанасы - Найроби қаласындағы Джомо Кеньятта халықаралық әуежайынан өрт шықты. Бұл туралы ИТАР-ТАСС хабарлады.
Аяқ астынан тұтанған өрт ұшып келу залы мен көші-қон қадағалау аумағын шарпыған. Осыған байланысты әуежайда жүрген барлық жолаушылар қауіпсіз жерге көшіріліп, ғимарат толық жабылды. Барша бағыттағы ұшу-қону әрекеттері тоқтатылды. Келіп жатқан ұшақтар Момбас пен Элдорет қалаларына қарай жіберілуде.
Өрттің себебі әзірге анықталған жоқ.
Қайрат Қожаназар.