Маңғыстау облысының әкімі Серікбай Трұмовтың өкімімен «Каспий» әлеуметтік кәсіпкерлік корпорациясының АҚ басқармасы төрағасы болып Меңдібаев Абзал тағайындалды.
Абзал Меңдібайұлының білімі жоғары. Қ.Сәтпаев атындағы Қазақ ұлттық техникалық университетінің тау-кен инженері мамандығын бітірген.
Алғашқы еңбек жолын 1996 мен 2006 жылдар аралығында «Өзенмұнайгаз» АҚ №1 МГӨБ, № 8 мұнай кен орнының төртінші санатындағы мұнай және газ өндіру жөніндегі операторы болып бастап, көптеген басшылық қызметтерді атқарған.
2005-2006 жж. «ҚазМұнайГаз» БӨ АҚ, Инновациялық технологиялар департаментінің бас менеджері.
2006-2008 жж. «ҚазМұнайГаз» БӨ АҚ, Мұнай және газ департаментінің өндірістік бөлімінің бастығы.
2008-2009 жж. «ҚазМұнайГаз» ҰК »АҚ, өндірісті басқару департаменті директорының орынбасары.
2009-2010 жж. «КазГерМұнай» ЖШС, өндірістік-техникалық департаменті директорының орынбасары
2010 жылы «Маңғыстаумұнайгаз» АҚ, өндіріс департаментінің директоры.
2011 жылы «ҚазМұнайГаз» Барлау Өндіру АҚ« Өзенмұнайгаз »филиалы директорының бірінші орынбасары
2011-2012 жж. «Өзенмұнайгаз» филиалының директоры
2012-2013 жж. «Өзенмұнайгаз» АҚ, бас директор
2013-2019 жж. «КазАзот» ЖШС «Шағырлы-Шөмішті» филиалының директоры.