Кеше Премьер-Министр Кәрім Мәсімов құқық қорғау органдары мен сот жүйесін реформалау, сол сияқты балаларды мектепке дейінгі тәрбиемен және оқытумен қамтамасыз ету мәселелері жөнінде кеңес өткізді, деп хабарлады Премьер-Министрдің баспасөз қызметі.
Онда Білім және ғылым министрлігі мүдделі құрылымдармен бірлесе отырып әзірлеген “Балапан” бағдарламасының жобасы талқыланды. Осыған орай 2015 жылға қарай 650 мыңнан астам бала мектепке дейінгі білім берумен қамтамасыз етіледі деп күтілуде.
Осы күні Кәрім Мәсімов республикалық бюджет комиссиясының 2-ші отырысын өткізді.
Онда Президент Н.Назарбаев қол қойған 2010-2012 жылдарға арналған республикалық бюджет туралы нақтыланған заңды жүзеге асыру туралы қаулының жобасы қаралды.