Мемлекет басшысы Нұрсұлтан Назарбаев Ресей Федерациясының Президенті Дмитрий Медведевке көңіл айту жеделхатын жолдады, деп хабарлады Қазақстан Республикасы Президентінің баспасөз қызметі.Жеделхатта: “Қазақстанда Мәскеу метросындағы террорлық актінің салдарынан бейбіт тұрғындардың қайтыс болғаны туралы қайғылы хабар терең күйзеліспен қабыл алынды.
Қазақстан терроризмнің қандай жағдайда да болуын үзілді-кесілді айыптайды және Ресей Федерациясын өзінің толықтай қолдау көрсететініне сендіреді.
Қазақстан халқының және жеке өз атымнан қайтыс болғандардың отбасыларына, туыстары мен жақындарына ауыр қайғыларына ортақтастығымды және қолдау сөзімді жеткізуіңізді сұраймын”, делінген.