Ауыл әкімдерінің алғашқы сайлауында өз туған ортасын өрелі істерге жұмылдыруға сенім көрсетілген Назар МАҒЗҰМОВ бұл күнде қызметіне қызу кіріскелі отыр. Бұқар жырау ауданының іргелі бір отауы – Корнеевка селолық округін басқару оған соншалықты таңсық болмаса да, осы жолғы жауапкершілік жүгінің мәні мен жөні бөлектігі талпынысты таудай етуге ұмтылдырады.
Ауыл әкімдерінің алғашқы сайлауында өз туған ортасын өрелі істерге жұмылдыруға сенім көрсетілген Назар МАҒЗҰМОВ бұл күнде қызметіне қызу кіріскелі отыр. Бұқар жырау ауданының іргелі бір отауы – Корнеевка селолық округін басқару оған соншалықты таңсық болмаса да, осы жолғы жауапкершілік жүгінің мәні мен жөні бөлектігі талпынысты таудай етуге ұмтылдырады.
– Өзіңізбен жарыса сынға түскен екі үміткерге қарағанда, таңдаушылардың сізге берген дауыс саны басымдырақ болғанын білеміз. Мұны күтіп пе едіңіз?
– Қанша айтқанмен білім тереңдетіп, ауылдың негізгі саласымен өзектес мамандық меңгеруден бергі еңбек жолым жерлестерім тыныс-тіршілігімен біте қайнасып келе жатуына байланысты және жұрт мені жақсы білетіндіктен, іштей үміттің үлкен болғаны рас. Әйтсе де, сайлаудың аты сайлау ғой. Басқалардың өзіндік артықшылықтары да бағаланса, не дау, әрине. Сондықтан қатты толқығаным жасырын емес. Дауыс беру қорытындысы шығарылған бетте сенімді өкілім жеткізген қуанышты хабар ұмытыла қоймас, сірә. Халықтың өкілетті өкілдерінің қалауына лайық бола білу – басты мақсатым. Бұл міндетіме жаңаша сипат берері сөзсіз.
– Ауылыңыз біраз жерге мәлім. Шаруашылығы да, тұрмыс жағдайы да тәуір саналатын сыңайлы. Жұмысыңыз одан әрі қай бағытта жалғаспақ?
– Ақжар, Алғабас атты бұрынғы екі бөлімшені және негізгі елді мекен орталығын қамтитын селолық округіміз аумағы мен тұрғындары жағынан ауданымыздың іргелі аймағы болып табылады. Учаскелік аурухананы сақтап қала алдық, 3 дәрігер, 9 медбике ауылдастары денсаулықтарына сақ. Бөлімшедегілердегі мектептер мен клубтар да жақсы күтімнің арқасында сол қалпында. Балаларға арналған спорт алаңдары жасалды.
Соңғы жылдарда қайта түрленіп, түлену жағы, шүкір, жаман емес. Өз ісін түзеп, егін егіп, мал өсіруді өрлетушілер арқылы тұрғындарымыздың жалпы әл-ауқаты әжептәуір өсу үстінде. Қазақы бауырмалдық, қолғабыстық жарасқан ауылымыз азаматтарының ынтымақтастығы – берекелі өмір тірегі.
Бізде еңбек етуге қабілетті 1 мыңға тарта жан арасында бос жүрушілер жоқ. Солай болуына барынша қолдау жасалады. Көбі 63 шаруа қожалығына еңбек етуге қамтылған, 10 жеке кәсіпкердің өзімен қоса өзгелердің де көштен қалмауына үлесі айтарлықтай.
Жасыратыны жоқ, кейінгі кезде жастардың тұрақтамауы белең алып келеді. Оны тоқтату, орнымызды басар буынды қалыптастыру сайлауалды бағдарламада көзделгендей, осы іске барынша күш салынбақ.
– Бағдарлама демекші, бірінші кезекте тұрған міндеттер мұнымен шектелмейтін шығар.
– Оған сөз бар ма?! Қай жағынан алсақ та жетіп артылады. Орталықтағы клубты қалпына келтіріп, мәдени өмірді құлпыртсақ дейміз. Ауылымыз бір кезде өнерпаздарымен атағы алысқа жайылған еді. Өнер оты маздаған жер тіршілігі қызықты, қызғылықты емес пе! Сондай ортаға айналуды басты назарда ұстамақпын.
Округтің айналасы табиғаты әсемдігімен ерекшеленеді. Белағаш аталатын тұс шоғыр-шоғыр орман-тоғай. Оның көркін сақтап қана қоймай, алыс-жақы