Қарағанды облысында сақтандыру қорымен келісімшарт жасасқан емханалар, орталықтар және ауруханалар QR-кодтармен белгіленді. Яғни бұл жерлерде тегін медициналық көмектің кепілдік берілген көлемі мен медициналық сақтандыру пакеті шеңберінде қызметтер көрсетілетін болады.
Медициналық сақтандыру қоры Қарағанды филиалының директоры Фазыл Копобаев QR-кодтардың арқасында азаматтар әртүрлі байланыс арналарына жылдам қатынау мүмкіндігіне ие болатынын атап өтті.
– Сондай-ақ, медициналық сақтандыру, қолжетімді қызметтер мен өз құқықтары туралы қажетті ақпарат алу үшін Telegram және What'sApp- боттарымен байланыса алады, - деп түсіндік берді ол.
Қарағанды облысында QR-кодтармен белгіленген ұйымдар саны 120-дан асады. Бұл кодты ұялы телефон арқылы сканерлегенде бірден медициналық сақтандыру қорының сайтына өтуге болады.
Қарағанды облысы