Қазақстан Республикасының Испаниядағы Елшісі Константин Жигалов жаңадан тағайындалған Испания Сыртқы істер, Еуропалық Одақ және ынтымақтастығы министрлігінің Мемлекеттік хатшысы Кристина Гайякпен кездесті. Бұл туралы СІМ баспасөз қызметі хабарлады.
Саяси, сауда-экономикалық, мәдени-гуманитарлық ынтымақтастықтың кең ауқымды мәселелері, сондай-ақ халықаралық күн тәртібіндегі өзекті мәселелер бойынша пікір алмасу өтті.
Стратегиялық серіктестікті дамытуда тұрақты ілгерілеушілік, бұл нәтижелі саяси үнқатысу, екіжақты сауданың қарқынды өсіп келе жатқан көлемі және халықаралық құрылымдарда өзара қолдаудың қалыптасқан тетігі байқалды. Жоғары және жоғары деңгейдегі байланыстарды жалғастырудың маңыздылығы ерекше атап өтілді.
Тараптар ынтымақтастықтың құқықтық базасын одан әрі кеңейту қажеттігін атап өтіп, қазіргі уақытта қол қоюға дайындалып жатқан бірқатар үкіметаралық және ведомствоаралық келісімдерді әзірлеуді талқылады.
Қазақстанның Елшісі және Испания Сыртқы істер министрлігінің Мемлекеттік хатшысы экономика және өнеркәсіп саласындағы ынтымақтастық жөніндегі үкіметаралық Қазақстан-Испан комиссиясы және осы жылы Мадридте тұрақты кездесулер өткізетін «Қазақстан-Испания» Іскерлік кеңесі сияқты құралдарды тиімді пайдалануға дайын екендіктерін қуаттады.
К.Гайяк Қазақстанның халықаралық қоғамдастықтағы рөлін, атап айтқанда оның БҰҰ жүйесіндегі белсенді жұмысын және Еуропалық Одақпен жемісті ынтымақтастығын ерекше атап өтті. Тараптар үстіміздегі жылдың 1 наурызынан бастап күшіне енген Қазақстан мен ЕО арасындағы кеңейтілген серіктестік пен ынтымақтастық туралы Келісімді жүзеге асыру үшін күш-жігерді үйлестіру қажеттігін атап өтті.